Бүгін “Сарайшық” музей-қорығының Сапар орталығына Қазақстанның халық әртісі Тұңғышбай Жаманқұлов, актер Иманәлі Сапаров, жазушы, драматург, режиссер Асылбек Исханов сияқты елімізге танымал тұлғалар келді. Музей экспозициясын аралаған меймандар ортағасырлық қала тарихы, оның тарихи кезеңдері, табылған жәдігерлер туралы ақпарат алып, Сарайшық аңыздарымен танысты. Экскурсия аяғында көркемсурет және қолөнер туындылары қойылған “Сарайшық сырлары”, “Табиғатпен сырласу” көрмелерін тамашалап, музей-қорық ұжымына алғыстарын білдірді.