2023 жылғы 25 қаңтарда «Сарайшық» мемлекеттік тарихи-мәдени музей-қорығы Жалғансай орта мектебінде «Алтын Орда тиындары» дәріс-көрмесін өткізді. Сонымен қатар, оқушыларға "Ортағасырлық Сарайшықтың тиындары" атты тақырыпта дәріс оқылды. Дәріс барысында Сарайшық қаласынан табылған күміс тиындар көмбесі, Алтын Ордадағы ақша жүйесі туралы мәліметтер берілді. Дәрісті қорытындылау мақсатында «Ойлан, ізден, тап!» интеллектуалдық ойыны ұйымдастырылды. Көрмеге 2019-2021 жылдары табылған нумизматикалық жәдігерлер қойылды.