«Сарайшық» мемлекеттік тарихи-мәдени музей-қорығы «Көршілес музейлер» жобасы аясында Махамбет тарихи-өлкетану музейінде 2020 жылдың​ 13-24 қараша аралығында жылжымалы көрме ұйымдастырады. Көрмеге археологиялық қазба, ғылыми-зерттеу экспедициялары барысында және «Музейге сый» акциясы бойынша қабылданған жәдігерлер қойылды. Сонымен қатар, көрмеден​ биылғы жылы Махамбет аудандық әкімдігімен бірлесе ұйымдастырылған Алтын Орданың 750 жылдығына арналған «Сарайшық: Тарихқа тұнған туған өлке» тақырыбындағы суретшілер мен қолөнершілер​ сайысының жүлделі туындылары орын тапты.​