«Сарайшық» мемлекеттік тарихи-мәдени музей-қорығының директоры, т.ғ.д., профессор Ә. Мұқтар, ғалым хатшы А. Жұмабаев ҚР Мәдениет және ақпарат министрлігі Мәдениет комитетінің 2023-2025 жылдарға арналған BR22082480 «Алтынордалық Сарайшық, Ұшқан, Ащысай, Қарағайлы ескерткіштері тарихи-мәдени мұра контекстісінде (ХІІІ-ХV ғғ.)» бағдарламасының календарлық жоспарына сай Ресей Федерациясы Мәскеу қаласындағы Ресей Ғылым академиясы Археология институтында ғылыми-зерттеу жұмыстарын жалғастыруда. Бағдарлама мүшелері Археология институтының ғалым хатшысы Марина Викторовнамен кездесіп, институт журналында мақала жариялау, археологиялық қазбаларға маман тарту мәселелерін талқылады. Екі мекеме соңғы жарық көрген еңбектерімен алмасты.