«Сарайшық» мемлекеттік тарихи-мәдени музей-қорығы Атырау облыстық туберкулезге қарсы балалар шипажайының демалушыларына ортағасырлық Сарайшық қаласының тарихын таныстырды.
Жыл сайын шипажай директоры Мұхтарова Ұлжан Мақсұтқызының қолдауымен балалар қызықты саяхатқа шығып, кешенмен танысады. Биылғы сапарларында балаларға этнографиялық жәдігерлер топтамасын таныстырып, «Әжемнің сандығынан шыққан» жәдігерлер туралы әңгімеленді. Көненің көзі, ата-әжелерімізден қалған алаша, ши, кебеже, жастағаш сынды асыл мұраларымыздың тарихы әңгімеленіп, оларды балалардың өз қолымен ұстап көрулеріне мүмкіндік жасалды.